XIV gün

Təlimin XIV gününə layihənin reallaşdırılması planının yazılması ilə başladıq. Bu planda layihənin əvvəlində, gedişatı zamanı və layihənin sonunda yerinə yetiriləcək və eyni zamanda nəzərdə tutulan işlərin kim tərəfindən və ya nə qədər müddətə icra olunacağına dair planlaşmadırma sənədidir.Bu da hər bir  müəllim üçün səmərəli şəkildə özünə hesabat xüsusiyyətinə malikdir.Sonra təlimçimiz bizi dairəvi toplayaraq ağ və qara oponentlər olaraq müəyyənləşdirdi.Bu isə bloq işlərimizin təqdimatında bizə lazım olan ünsürdür. Daha sonra portfolio üzərində işin yekunlaşdırılması işlərini tamamladıq. Bütün sənədlərimizin tamamlandığına əmin olduqdan sonra təlimçimiz tərəfindən portfolioların yığılması baş tutdu. 
Sonra gün haqqında təəssüratlarımızı bloqa yazaraq təlimin XIV gününü sona çatdırdıq. 

XIII gün

  Təlimin XIII gününə bloqların müzakirəsi ilə başladıq. Təlimçılərin bizə verdiyi müəyyən məsləhət və təlimatlardan sonra fasilitasya sənədlərinin nümunələri ilə tanışlıqla davam etdirdik. Burada "Fasilitasiya resursunun planlaşdırılması" haqqında müzakirələr edildi.Bizə verilən "Fərqləndirmə və texnologiyalardan istifadə üçün işçi vərəqi" təqdim olundu. Təlimçilərin təlim iştirakçıları ilə  fasilitasiya haqqında geniş müzakirələrdən sonra bu sənədi doldurmaq təlimatını aldıq.  

•Fasilitatorun mövqeyi, onun əsas funksiyası – fikrin təhrik edilməsi və onun lazım olan istiqamətə yönəldilməsidir (funksiya)

•Fasilitasiya yanaşması idraki və yaradıcı tələbatların tam ödənilməsinə, yəni şagirdlərin öz qabiliyyətlərini gerçəkləşdirməsinə yönəlmişdir (məqsəd)

Bu sənəddə fasilitator olmağımızda  və dərslənizi daha şəxsiyyətyönümlü etməkdə texnologiyanın bizə necə kömək edə biləcəyinə dair sadalanmış ideyalara öz əlavələrimizi etdik.

Daha sonra Layihənin öyrənilməsi planının yekunlaşdırılması ilə əlaqədar sənədləşmə işini icra etdik. Təlimin XIII gününü bloq haqqında təəssüratlarımızı yazmaqla yekunlaşdırdıq.

XII gün

Təlimin XII gününə bloq yazılarının müzakirəsi ilə başladıq. Təlimçilərinin müəyyən məsləhət və təlimatlarından sonra şagirdin uğurlarının izlənməsi üçün dəstək materialların yəni check list-lərinin hazırlanması işini icra etdik. Bu check list vərəqləri vasitəsilə özünüqiymətləndirmə üsulu şagirdlərin özünü inamlı,ədalətli, məsuliyyətli  olmağı və özünüqiymətləndirmə bacarığının formalaşmasına səbəb olur.

Növbəti addımda mövzunun öyrənilməsi planının müvafiq bölmələrinin yazılmasını yerinə yetirdik. Planda müəyyən bölmələr vardır ki, təlimçılərin           təlimatları və izahları ilə qeydlərimizi etdik. Layihə planında müəyyən dəyişikliklər apardıq. Təlimimizin XII gününü təəssüratlarımızı bloqa yazaraq sona çatdırdıq.

XI gün

XI günün təliminə şagird işi və layihə planına təkrar baxış və dəyişikliklərin edilməsi ilə başladıq. Şagird işlərimizdə lazım olan dəyişiklikləri apardıqdan sonra şagird işinin və qiymətləndirmə nümunəsinin (3+2+1) müzakirəsinin apardıq.Bu zaman cütlərlə iş üsulundan istifadə edərək hazırladığımız layihə mövzumuzu haqqında, araşdırmalı olduğumuz problemləri, məsələləri bir-birimizə danışaraq müəyyən məsləhətlərlə görəcəyimiz işlərdə istiqamətimizi düzgün yönləndirdik.Bunun da bizə faydası ondan ibarət oldu ki, müəyyən araşdırmalarımda şübhəli qaldığım, eyni zamanda anlaşılmayan suallara aydınlıq gətirdim və düzgün istiqamətləndim. Sonra təlimçimiz bizi bütün öyrənənlər üçün imkanların yaradılması, tədrisdə differensiallaşmanın aparılması və şagirdlərin qiymətləndirmə prosesinə cəlb olunması haqqında məlumatlandırdı.Öyrəndiklərimizə qaynaqlanaraq deyə bilərəm ki, nəinki şagirdlər hətta hər bir kəs visual, akustik və kinestetik strategiyalara malikdir. Daha sonra Modul 10-da Hovard Qardnerin intellekt tipləri haqqında oxuyaraq müzakirələr apardıq. Müzakirələrdən şagirdlərimizin hansı strategiyalara daha çox uyğun olduğunu müəyyənləşdirməyə çalışdıq. Hətta özümüzü belə bu strategiyalara aid etdik. Növbəti addımda şagirdin özüüistiqamətləndirməsinə əsaslanan qiymətləndirmə nümunəsinin hazırlanmasını yerinə yetirdik. Modul 10-da diferensiallaşma sorğusunu dolduraraq oradakı strategiyaları oxuyaraq nəticələrini qeyd etdik. Bu sorğu eyni zamanda bizə imkan verdi ki, tədrisdə yaranan problemlərimizi də qeyd edib həlli yollarını da araşdıraq.Təlimimizin XI gününü isə bloqa təəssüratlarımızı yazaraq sona çatdırdıq.                                                             

X gün

Təlimin X günündə şagird işinin planlaşdırılması və şagird işinin hazırlanması ilə başladıq. Təlimçımızin göstərişlərinə əsasən əvvəlcə şagird bloqu açdım və onu layihə mövzusunun adını "Health is a way of being!" olaraq adlandırdım.Yaratdığım blogda üç səhifə açdım:"Our aim, We are ready to investigate! , Our result."Daha sonra qrupların  layihə sualları əsasında işləyəcəkləri və araşdıracaqları məlumatları addım-addım qeyd etməyə başladım. Onların istifadə edəcək videoları və müxtəlif resursları, şəkilləri topladım. Təlimçimizin bizə göstərdiyi istiqamətlər üzrə layihən mövzusuna aid məlumatları əldə etdim. Birinci addımda lazım olan araşdırmamı bloga daxil etdim.Daha sonra layihə planında qeydlərimizi apardıqdan sonra təlimin X günü haqqında təəssüratlarımızı yazmaqla başa vurduq.

IX gün

Təlimimizin IX günündə Veb 2.0 alətlərinin təhlili və ifadəsi haqqında müzakirələr apardıq. Prezi, Photodex və   blogger alətlərindən istifadə edərək bildiklərimizi tətbiq etdik. Şagirdlərin onlayn resurslardan istifdə edə bilməsi onların maraq dairəsini daha da zənginləşdirməsinə kömək olur.Bu baxımdan Veb 2.0 alətləri də müasir təhsidə şagirdlər üçün ən əlverişli alətlərdir.Daha sonra sosial şəbəkələr və onların təhsildə rolu haqqında geniş müzakirələr etdik. Burada da mövcud olan Facebook, Twitter, Youtube, Blogger və sairə kimi sosial şəbəkələr onlardan istifadə qaydası haqqında məlumatlar verdik. Şagirdlər sosial şəbəkələrdən bir-birilərinə gərəkli faylları, videoları, sənədləri, dərsləri və s. kimi məlimatları göndərə bilərlər.Youtube-dan araşdırdıqları mövzuya dair istənilən videonu yükləyərək ondan yaralana bilərlər. Daha sonra bütün dünyada istifadəsi geniş yayılmış Facebook-dan, onun geniş imkanlarından istifadə edə bilərlər məs: təhsil haqqında -təhsildə baş verən yeniliklər müxtəlif müsabiqələr, çıxan qərarlar haqqında məlumatlar əldə etmək imkanına malikdirlər.Skype vasitəsilə də canlı bağlantı quraraq müxtəlif müzakirələrə qoşula bilərlər və s.

Daha sonra şagird işlərinə dair nümunələrə baxdıq, təlimçimiz tərəfindən müəyyən istiqamətlər və məsləhətlər  əldə etdik. Başladığım şagird bloqunda da həmin istiqamətlərdən istifadə etmək mənim üçün faydalı oldu.Sonra layihə planı üzərində qeydlərimizi apardıq, növbəti addımda isə günün təəssüratını yazaraq IX günü sona çatdırdıq.

VIII gün

Təlimin VIII gününə Modul 6-da "Tədqiqat üçün internetdən istifadə və layihə üçün İnternet resusların müəyyən edilməsi" haqqında biliklərlə tanış olduq. Bildiklərimi möhkəmləndirmək mənim üçün əlverişli oldu. Burada da istənilən bir resursun internetdən götürülməsi qaydası,onların URL ünvanlarının, istinadların qeyd edilməsi haqqında məlumatlandıq.Daha sonra öyrəndiklərimizi tətbiq edərək, layihə planında da yerləşdirdik.Daha sonra təlimçımız ünsiyyət qurmaq məqsədilə İnternetdən istifadə yolları haqqında müzakirələr apardı. Edilən müzakirələrdə də texnologiyalar əsrində yaşayan şagirlərimizin İnternet vasitəsilə həm yazılı həm də şifahi ünsiyyət qura bilmə imkanlarının geniş olmasından bəhs etdik. İstər kompyuter, istərsə də müasir telefonlar vasitəsilə ünsiyyət qurmaq bacarıqlarına malikdirlər. Şagirdlər bacarıqlarını dərs zamanı, müxtəlif layihələrin hazırlanması prosesində də əməkdaşlıq və ünsiyyət qurmaq üçün İnternetdən istifadə edərək daha rahat və əlverişli şəkildə həyata keçirə bilər.Növbəti addımda təlimçımız bizə layihə üçün kommunikasiya alətlərinin seçilməsi haqqında geniş məlumat verərək Web 2.0 alətləri ilə tanış etdi. Təqdim edilən bu alətlərlə tanış olduğumdan bunlardan istifadə etmək və verilən tapşırıqları tətbiq etmək çətin olmadı.Prezi, Photodex və LearningApps kimi Web 2.0 alətlərindən istifadə həm müəllimlər həm də şagirdlər üçün maraqlı və faydalıdır.Bu baxımdan şagirdlər interaktiv tapşırıqları, layihələri, təqdimatları burada asanlıqla yerinə yetirə biləcəklər.Bu alətlərdə hazırladığım nümunələri bloqumda yerləşdirərək təlimçimizin bizə böyük həvəslə öyrətdiklərinin bizə böyük faydası olduğunu sübut etməkdir.Təlimimizin sonunda isə təlim haqqında təəssüratlarımızı yazaraq VIII günü də uğurla yekunlaşdırdıq.

Food

VII gün

Təlimimizin VII günündə Gmail-də Google.Doc.( disk)-dan  istifadəni öyrəndik. Burada vacib sənədlərin, faylların yaddaşda təhlükəsiz ,uzunmüddətli saxlanılması, eyni zamanda bir neçə nəfərə birbaşa göndərilməsi, eyni zamanda onlarla qrup halında işləyə bilməsi kimi vacib və faydalı məlumatları həm yerinə yetirdik, həm də öyrəndik. Fikrimcə,bu sinif daxilində müəllimin şagirdlərlə istər qrup formasında, istərsə də kollektiv iş formasından istifadə üçün birbaşa müəyyən testlərin və ya tapşırıqların yerinə yetirilməsində çox səmərəlidir. Bunu həm də vaxta qənaət kimi də qiymətləndirirəm.Daha sonra təlimçimiz tərəfindən pedşuranın keçirilməsi prosesinə başladıq.Bu isə şəxsiyyətyönümlü təlimdə tədris standartlarına istiqamətləndirmə haqqındadır.Sonra XXI əsrin bilik və bacarıqlarının hədəf olaraq seçilməsini müzakirə etdik. Yaşadığımız texnologilalar əsrində təbii ki, şagirdlərin də dünyagörüşlərinn zənginləşməsi, maraqlarına  səbəb olacaq müxtəlif texnologiyalardan istifadəni nəzərə almaq lazımdır. Bu baxımdan onların bilik və yaradıcılıqlarının inkişafı üçün bu hədəflərdən istifadə etmək lazımdır.Bu hədəflərdə;şagirdin yaradıcılıq və innovativlik, tənqidi təfəkkür, əməkdaşlıq bacarıqları, informasiya ilə işləmək bacarıqları, medya vərdişləri, İKT savalılığı, liderlik, məsuliyyətlilik və ictimai bacarıqlar daxildir.Fikrimcə bütün bu bacarıqların  şagirdlərdə mövcud olması, eyni zamanda müasir texnologiyalara bağlı təhsilimizlə də düzgün uyğunlaşması mümkündür.
Növbəti addımda təlimçımiz bizə texnologiyalardan istifadəyə aid hüquqi və əxlaqi qaydaların öyrənilməsi -müəlliflik hüququ haqqında geniş məlumatlar verdi. Burada da öyrəndyiyim və yadda saxlamalı olduğum nüanslar ondan ibarətdir ki, istənilən bir resursu və ya məhsulu hüquqi qaydalarla istifadə etmək ,götürüldüyü istinadları qeyd etmək lazımdır. Təlimin sonunda bugünki təəssüratlarımızı bloqumuza yazaraq bitirdik. 

VI gün

Təlimin VI günündə modula əsasən layihə haqqında təqdimatın yaradılmasına dair müzakirələrlə başladıq. Bu zaman təlimçimiz bizi müəllim təqdimatının düzgün istiqamətdə hazırlamaq üçün geniş və aydın şəkildə məlumatlandırdı. Burada həmçinin təqdimatın tələbləri də izah olundu.Müəllim təqdimatı qurmağın məqsədi şagirdlərin hansı layihə mövzusunun tapşırırıqlarını yerinə yetirməli olduğunu, araşdırılması vacib olan sualları tərtib edərək təqdimatda yerləşdirməsi üçündür.Bu zaman müəllim tərtib etdiyi sualların əsasında şagirdləri qruplara ayıraraq hər qrupun tapşırığını müəyyən edir,onları düzgün istiqamətlərə yönəldir. Eyni zamanda layihə planının yaradılmasında məqsəd şagirdin doğru araşdırmalar aparmasında bir növ mayak rolunu oynayır. Çünki bu zaman  müəllim işini əvvəlcədən təyin edir, sual və tapşırıqları hazırlayaraq şagirdə təqdim edir, şagirdə isə yalnız verilən tapşırıqları doğru istiqamətdə icra etmək, araşdırmalar nəticəsində uğurlu nəticələr əldə emək qalır.
Sonra təlimçimiz bizi təqdimata dair nümunələrlə tanış etdi. Bundan sonra təlim iştirakçıları müəyyən olunmuş vaxt ərzində təqdimatı hazırladı.Daha sonra plan üzərində işi icra etdik, burada layihənin qısa təsvirini qeyd etdik. Bütün bunlar bizim layihəni daha düzgün anlamağımıza və araşdırmalarımızı dolğun və doğru istiqamətdə yerinə yetirməyimizə kömək edir. Daha sonra layihədə tədqiqatın qurulmasının planlaşdırılması üzrə qeydlərimizi apardıq. Planda müəllim və şagird fəaliyyətinin istiqamətləri göstərilməlidir. Burada da müəllimin şagirdlərə verəcəyi tapşırıqlar, eyni zamanda araşdırılması vacib problemlər və məsələlər haqqında arıdıcıl planlaşmanı qeyd etdik. Təlimin sonunda öz təəssüratlarımızı bloqa əlavə edərək təlimi sona çatdırdıq. 

V gün

Təlimimizin V günündə modula əsasən çoxsaylı qiymətləndirmə  üsullarının izahını həyata keçirtdik. Bu zaman dəyərli təlimçimiz bizə təqdim etdiyi qiymətləndirmə, onun üsulları haqqında məlumat verdi. Doğrusu bu bizim üçün yeni bir mövzu deyildi. Təbii ki, ölkəmizdə tətbiq edilən və müasir təhsil sistemində tətbiq etdiyimiz, hər gün tədris zamanı rastlaşdığımız qiymətləndirmə, onun üsulları haqqında müəyyən suallara cavab vermək və bu müzakirələrdə iştirak etmək mənim üçün çətin olmadı. Amma buna baxmayaraq "Təkrar biliyin anasıdır" prinsipinə uyaraq məlumatları dinlədikcə, geniş müzakirə etdikcə onları daha yaxşı formada xatırlayır və fikirlərimizi söyləyə bildik.Şagird nəaliyyətlərinin qiymətləndirilməsi şagirdin biliklərə yiyələnmək, onlardan istifadə etmək, nəticə çıxartmaq bacarıqları haqqında məlumatların toplanması prosesi kimi qəbul edilir.
 Qiymətləndirmənin beynəlxalq və milli olaraq 2 yerə ayrılır.Milli və beynəlxalq qiymətləndirmə təhsildəperspektivləri müəyyənləşdirmək üçün aparılan qiymətləndirmə tədqiqatlarıdır və xüsusi qurumlar tərəfindən həyata keçirilir.Bir də məktəbdaxili qiymətləndirmə mövcuddur ki, bu da diaqnostik, formativ və summativ olaraq 3 formadan ibarətdir. Təlimçimizin toxunduğu və geniş məlumat verdiyi ilk qiymətləndirmə üsulu diaqnostik qiymətləndirmə oldu. bu qimətləndirmə əsasən dərs ilinin əvvəlində, şagird məktəbini dəyişərsə və yaxud da sinifdən-sinfə keçərsə onun bilik bacarıqları haqqındaməlumat toplamaq, fərdi yanaşmanı təmin etmək məqsədilə müəllim tərəfindən aparılır.
Növbəti müzakirə etdiyimiz qiymətləndirmə forması formativ qiymətləndirmə oldu. Yenə də təlimçinin bu üsul haqqında ünvanladığı suallar əsasında dolğun və geniş məlumatları bir daha yada saldıq. Formativ qiymətləndirmə sayəsində şagird gündəlik təlim fəaliyyəti ərzindəyaxşı nəticə göstərmək üçün çalışır.Bu zaman şagirdin irəliləmələrini və geriləmələrini izləmək, qarşıya çıxan problemləri aradan qaldırmaq, və onu düzgün istiqamətləndirmək məqsədilə aparılır.
Daha sonra növbəti qiymətləndirmə forması olan summativ qiymətləndirmə, onun da 2 formada yəni kiçik (KSQ) və böyük (BSQ) olması haqqında fikirlərimizi söylədik. Kiçik və böyük summativ qiymətləndirmə təlim prosesində müəyyən mərhələlərə (bəhs və ya bölmənin, yarımilin sonunda) yekun vurmaqla, şagirdin nəaliyyət səviyyəsini ölşmək məqsədilə aparılır.Əldə etdiyi nəticələr isə sinif jurnallarında qeyd olunur. Qiymətləndirmə və onun formaları təlim iştirakçıları üçün bildiklərinin daha da genişlənməsi üçün zəmin yaradır.
Növbəti addımda təlimçimiz bizə qiymətləndirmə cəvəlləri onun qurulması haqqında geniş məlumat verdi. Bununla yanaşı eyni zamanda lövhədə də göstərərək izah etdi. Sonra biz qiymətləndirmənin təsvirini layihə planında yazdıq. Aydın şəkildə aparılan müzakirələr və məlumatlardan sonra qiymətləndirmənin təsvirini yazmaq bizə çətin olmadı. 
Növbəti addımda təlimçimiz şagird ehtiyaclarının müəyyənləşdirilməsi alətlərinin hazırlanması haqqında bildiklərini bizimlə bölüşdü. Bu zaman müəllim hər hansı bir üsuldan istifadəni məsələn BİBÖ, Klaster və s. kimi üsullardan istifadə edərək şagirdin düşünərək cavab verdiyi ilkin fikirlərdən sonra onun daha çox bilməsi və məlumatlar əldə etməsi eyni zamanda düzgün istiqamətlənməsi üçün bu üsüllardan istifadə edir.Bu zaman şagird BİBÖ cədvəlini quraraq ilkin fikirlərini yalnız bildiklərini qeyd edir. Daha sonrakı addımda bilmək istədiklərini qeyd edərək ehtiyaclarını müəyyənləşdirir. Bu baxımdan şagirdin daha çox öyrənmək, üzərində çalışmaq, müəyyən nəticələri əldə etmək üçün böyük imkanları yaranır və bu zaman müəllimin düzgün istiqamətləndirdiyi şagird sonda təbii ki öyrəndim bölməsinə əldə etdiklərini qeyd edir. Təlimçimizin bu geniş və aydın izahından sonra biz iştirakçılar da bu üsullardan istifadə edərək nümunələr hazırladıq. Təlimçinin yoxlayaraq qəbul etdiyi işimi isə yaratdığım şəxsi portfoliomda saxladım.Təlimin sonunda isə V günün təəssüratlarını geniş şəkildə qed etdik.

IV gün

IV günün planı üzrə layihənin əsas sualları ilə tanış olduq. Təlimçimizin bizə göstərdiyi və eyni zamanda anlatdığı təqdimat əsasında təməl və tematik sualların düzgün təyin edilməsi haqqında geniş məlumatlar aldıq. Bu sualların doğru istiqamətdə verilməsi üçün təlimçi və kurs  iştirakçıları arasında geniş və ətraflı müzakirə aparıldı. Bu diskusiyalar bizə düzgün təməl və mövzu suallarının qoyulmasında kömək etdi. Sonra təməl və mövzu suallarımızı təyin etdikdən sonra mövzuya əsasən məzmun suallarını da tərtib etmək tapşırıldı. Bu suallar haqqında da təlimçimizin göstərdiyi nümunələr əsasında layihə mövzusunun məzmun suallarını tərtib etdik. Bu sualları tərtib edərkən cütlərlə işlədik və bir-birimizin düşüncələri və fikirləri ilə də yaxından tanış olduq. Daha sonra tərtib etdiyimiz təməl, mövzu və məzmun suallarını layihə planına yazdıq.Təlimimizin sonunda isə öz təəssüratlarımızı bloqa yazdıq.


 Fəlsəfi, ümumi, qlobaldırlar.  

Tədqiqatın konkret istiqamətini  göstərir.     

Cavabı kitablarda, ensiklopediyada, İnternetdə tapmaq olar.

III gün

Təlimimizin III günündə biz  hazırlayacağımız layihələrimizin mövzu seçimini etdik.Mövzularımızı səsləndirdik, eyni zamanda layihə planı haqqında geniş məlumat verərək, müzakirə etdik. Hər birimizin səsləndirdiyi layihə planları təlim iştirakçıları üçün bir istiqamət daşıyıcısı oldu. Əlbəttə ki, bunun bizə böyük faydası oldu. Hər kəs  yalnışlıqlarını düzəldərək düzgün istiqamətləndi. Daha sonra təlimçımız bizə Publisher proqramı haqqında məlumat verdi. Bu proqramla İntel 3 təlimini keçdiyim zaman artıq yaxından tanış olmuşdum. Burada müxtəlif bukletlərin, qəzetin, açıqçaların, dəvətnamələrin, elanların, zərflərin, diplom və sertifikatların hazırlanması mümkündür. Növbəti mərhələdə biz standartlar haqqında müzakirə apardıq. Layihə mövzularımız üçün dövlət və mövzu standartlarını müəyyən etdik. Daha sonra mövzunun öyrənilməsi planını yazdıq. Planda özümüz haqqında məlumat verərək, layihə mövzularımızı, mövzuya dair  standartları və planda məqsədlərimiz haqqında yazdıq. Təlimimizin sonunda bloqlarımıza öz təəssüratlarımızı yazdıq. Ev tapşırığı olaraq isə layihə mövzusunun suallarını hazırlamaq oldu.

II gün

II gün XXI əsr bacarıqları haqqında məlumat əldə etdik. Burada İKT bacarıqları, bunlardan düzgün       istifadə yolları, kommunikativ və əməkdaşlıq bacarıqları, yaradıcılıq və innovatlilik, informasiya ilə işləmək bacarıqları, media və texnologiya vərdişləri, media savadlılığı haqqında geniş məlumatlar əldə etdik. Bu baxımdan bu bacarıqlara yiyələnən istənilən bir kəs  fəalliyyətini daha asan və daha səmərəli yollarla  qura bilər. Daha sonra Blum taksanomiyası haqqında bilikləri xatırladıq. Öz müəllimlik fəaliyyətimdə İdarkı taksanomiyası ilə artıq tanış olduğuma görə bu haqda geniş izahatın və xatırlatmanın mənə faydası oldu.Burada da taksanomiyanın 6 mərhələsi olan- bilik, anlama, tətbiq etmə, analiz, sintez və dəyərləndirmə və hər mərhələnin də təlim nəticələri və fəaliyyət göstəriciləri haqqında geniş danışılıb müzakirə olundu. Təlimçimizin bizə böyük əzmlə təqdim etdiyi növbəti mərhələ isə tədris prosesində layihə üsulunun tətbiqi və bu üsulun müzakirəsi oldu.Burada layihə planı necə olmalıdır, layihə hansı əsaslara görə, hansı istiqamətlər üzrə və nə məqsədlərlə qurulması haqqında geniş məlumat əldə etdik. Burada eyni zamanda layihə üsulunun tətbiqinə qoyulan əsas tələblər, müxtəlif üsullardan istifadə, mərhələlərlə kişik nəticələrin şagirdlər tərəfindən əldə olunması haqqında məlumat verilərək müzakirələrlə bildiklərimizi möhkəmləndirdik. Bu nəticələrin şagirdlər üçün praktik, tədrisyönümlü, təxəyyülü inkişaf etdirən olduğunu xüsusi vurğuladıq. Daha sonra layihə metodunun növləri, onların fəaliyyətə əsaslanması haqqında, informasiyayönümlü, tədqiqatyönümlü, yaradıcı layihələr haqqında  məlumatlandıq,onların şagirdlər tərəfindən tətbiq olunması, təhlili yollarını müzakirə etdik. Bu faydalı layihə planı bizə layihəmizi daha düzgün istiqamətdə hazırlamaq üçün böyük imkanlar yaradır.

I gün

İlk gün tanışlıqdan sonra İntel "Gələcək üçün təhsil" təlim proqramı haqqında geniş məlumat əldə etdik, daha sonra təhsil proqramlarının saitləri və Wiki səhifəsi ilə tanış olduq. Portfolio quruluşu haqqında məlumat əldə etdik, portfolio qovluqları yaratdıq. Google serverləri ilə tanışlıqda mənim şəxsi gmail ünvanım olduğuna görə yenisini açmağa ehtiyac olmadı. Gmail ünvanın mahiyyəti - internetdən geniş istifadə edə bilmək, müxtəlif beynəlxalq saitlərə daxil ola bilmək, orada istənilən məlumatları əldə edə bilmək, məktublaşmaq, istənilən faylı göndərmək eyni zamnda qəbul etmək, müxtəlif şəkilləri, videoları göndərmək imkanlarına malikdir. Bu isə gmail ünvanının istifadəçiləri üçün səmərəli və faydalıdır. Növbəti  mərhələdə Google serverlərindən biri olan bloq yaradılması ilə tanış olduq. Öz şəxsi bloqum olduğuna görə yeni bloq yaratmaq mənim üçün çətin olmadı. Bloqun mahiyyəti isə çox faydalıdır, bu baxımdan hər kər öz şəxsi bloqunu yaratmaqla orada müxtəlif   faydalı məlumatları, videoları, şəkilləri, faydalı linkləri, eyni zamanda  istifadəçi öz işlərini orada yerləşdirə bilmək üçün geniş imkanlara malik olur.